Film: Lise og Snøpels - venner for alltid

Sundag 3. november viser me den tjekkiske animasjonsfilmen Lise og Snøpels – venner for alltid frå 2021.
Etter filmen lagar med vennskapsarmband.

Om filmen:
Lise mus har havna i dyrehimmelen etter ei uheldig hending. Der møter ho reven Snøpels, og det viser seg at han er årsaken til at ho har havna der. Dei kunne ikkje vore vener på jorda, men i himmelen vert dei nøyd til å samarbeide, og dei legg ut på eit utruleg eventyr saman.
1 t. 20 min. 6 år 

Inga påmelding.
Medlemsskap i klubben kostar 110 kroner per barn og gir gratis inngang til alle arrangementa hausten 2024.
Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen. Filmane vert vist i samarbeid med Norsk filmklubbforbund.