Kva skjer i Kabuso?

I perioden 13. mai til 11. juni kan du sjekka ut Vestlandsutstillingen 2023 hos oss i Øystese.
Vestlandsutstillingen er ei årleg utstilling med verk av kunstnarar som har tilknytting til Vestlandet. Utstillinga skal vise fram samtidskunst av høg kvalitet som speglar den vestlandske kunstscena slik den føregår i lokale, nasjonale og internasjonale kontekstar ut mot resten av landet.

Årets utstilling: 

Deltakande kunstnararar:
Victor Guzman, Robert Carter, Karl Ingar Røys,
Daniela Bergschneider, Grethe Unstad, Kristine Sandøy,
Masoud Alireza, Klara Sofie Ludvigsen, Christopher Jonassen,
Bent Erik Myrvoll, Vilde Salhus Røed, Eleonore Griveau,
Marit Helen Akslen, Magnhild Opdøl

Kurator: Heidi Rødstøl

Endeleg byr sjansen seg til å oppleva Thomas Dybdahl i Kabuso – sikra deg plass på konserten sundag 11. juni!     

Dybdahl er ein av våre beste og mest profilerte musikarar. Han har med sine nydelege album etablert seg som ein av Norges store artistar og låtskrivarar.
For 20 år sidan sat Thomas Dybdahl med sitt første soloalbum “…That Great October Sound” mellom hendene. Albumet blei eit vendepunkt i karrieren med svært gode kritikkar, Spellemannspris og Edvard-pris.

VG skreiv i ein omtale av debutalbumet «Dybdahl alene er en aldri så liten åpenbaring med såre, vakre sanger fremført med den samme, nesten hviskende intensiteten som gjorde Jeff Buckley til allemannseie – hør bare åpningssporet «From Grace»!».

Ein solokonsert med Thomas Dybdahl er eit høve til å høra låtane hans slik dei opprinneleg vart til. I tillegg til å presentera klassikarar frå ei lang karriere spelar han og nyutgitt og nyskrive materiale på solokonsertane sine.

Billettar i sal på ticketco.no frå fredag 10. mars kl 18

————
Thomas Dybdahl om solokonsertar:
For ti år siden tok jeg en avgjørelse om rulle i gang en slags evig soloturne og bli så god på det at det aldri ville føles som en budsjettversjon av en konsert med band.
Jeg ville prøve og heller spille på styrkene en slik kveld kunne ha, båndet man kunne få med publikum, stedene en kunne spille og friheten man kunne gi seg selv når man spilte sangene helt solo.
Siden den gang har jeg spilt så og si overalt i landet, alt fra Operaen i Oslo til Trevarefabrikken i Henningsvær, Lofoten, til Nidarosdomen, Trondheim.
Jeg har blitt utrolig glad i å spille disse solokonsertene og gleder meg masse til å fortsette turneen.
Nå har jeg et betydelig antall sanger å velge imellom og hver kveld er forskjellig fra den andre, noe som holder det spennende for både publikum og meg.

Håper vi ses!

Kunstnar Janicke Schønning arbeider ute, under open himmel, gjennom alle årstider. Naturkreftene samhandlar med dei ulike materiala, blekk, pigent, og gouache på papir og lerret.
Frost, regn, dyr og sopp set sitt preg på verka, i tillegg til kunstnaren sine handlingar.

Til utstillinga i Kabuso arbeider ho med vatn og korleis væska set spor.

Opplev utstillinga i perioden 1. juli til 17. september

>>> Sjå nettsida til kunstnaren

Bli med på Kunstbar – torsdag 31. august kl 19!
Kunsthistorikar Lill Stensrud held føredrag om den amerikanske kunstnaren James Turrell.
Deretter vert det visning i lysverket av same kunstnar; vår eigen Hardanger Skyspace.

Kunstbar er ein uformell møteplass for deg og meg i Kabuso, kor me tek opp ulike tema knytt til kunst. Ofte inkluderer me og kreative aktivitetar.
Inngang: 100,-

Om Kunstbar:
Kvar månad vert eit nytt tema presentert. Temaet relaterer seg til utstillingar og anna aktuelt i Kabuso.
Kunstbar har som mål å vera ein uformell møtestad for deg og meg

Hald av 16. september for kammermusikk med Ayumi Tanaka trio – meir info kjem!

Ayumi Tanaka – piano
Christian Meaas Svendsen – bass
Per Oddvar Johansen – trommer

>>> Sjå nettstaden til Tanaka

Erik Lukashaugen – akustisk gitar, song
Tarjei Nysted – fele, nøkkelharpe, mandolin m.m.

Gå ikkje glipp av denne konserten med ein av våre mest etablerte artistar: Sigvart Dagsland byr inn til konsert i trioformat i Kabuso – 4. oktober kl 20!
Her er det stor sjans for å høyra Ka e du redd for, Alt eg såg og mange andre favorittar signert Dagsland.

Sigvart Dagsland – vokal, piano
Torjus Vierli – keyboards, vokal
Jango Nilsen – trommer, vokal

Songaren og låtskrivaren har gitt ut 20 soloalbum og held kring 40 konsertar over heile landet kvart år.
Dagsland fekk Prøysenprisen i 2009, har vore nominert til Spellemannsprisen 3 gongar og motteke denne 1 gong.
Han har seld over ein halv million plater.

Billettar i sal frå fredag 26. mai kl 9

>>> Sjå nettstaden til Dagsland 

Espen Eriksen – piano/komposisjon
Lars Tormod Jenset – kontrabass
Andreas Bye – trommer

Når det kjem til pianotrioar er Espen Eriksen trio blant dei aller beste.

Bandet er kjend for melodisk minimalisme, subtile komposisjonar og vakre, lyriske stemningar gjennom fleire strålande album på plateselskapet Rune Grammofon og konserter verda rundt.
For å sitera BBC si melding av trioen si andre plate:
”A wonderfully plaintive jazz record, abandoned to the lost art of melodic minimalism, stripped back and beautifully near bare. No smoke and mirrors, just the graceful chemistry of superb musicians at the top of their game”.

Me ynskjer velkomen til ein konsert med fengslande og lyriske songar – ofte melankolske og oppløftande på same tid.

_____________

Kabuso er takka vere gode lokale krefter innehavar av eitt av dei flottaste Steinway-flygela i landet. Saman med ein konsertsal med nydeleg akustikk legg dette tilhøva til rette for konsertopplevingar av dei sjeldne.
Leif Ove Andsnes sa dette etter sin konsert i Kabuso i 2016:
«Det var veldig moro. Eg fekk ein kjensle av noko internasjonalt, til dømes det eg opplever i land som Japan. Eg likte denne salen veldig, veldig godt.»

Tenk det. Her. I Øystese.

Klassisk flygelkonsert med Greg Niemczuk.
Pianisten byr på Chopin og Grieg i kammermusikksalen i Kabuso laurdag 21. oktober kl 16.

Program og meir info kjem

>>> Sjå nettstaden til Niemczuk

Ein laurdagskveld med Tønes duo – aiai! Hald av 28. oktober og still med gensaren rett veg kl 20 – for songar om yatzy, bondeliv og waldorfsalat og slikt.

Det er ei god stund sidan Tønes og Erlend Aasland stod på same scene, men no vert duoen endeleg foreina igjen.
Frank Tønes Tønnesen kjem frå den vesle bygda Sokndal i Rogaland og er ein av landets beste låtskrivarar og tekstforfattarar. Han har gjennom åra fått ein del merksemd for dei finurlege og insiktsfulle dialekt-tekstane sine om smått og stort. I løpet av haustens turne kan det henda ein blir introdusert for nokre nye slike. Men det er ingen som lovar noko. I alle fall ikkje Tønes.
Tønes har gitt ut 8 album, 4 EP-ar og skrive ei bok. Han har vunne Prøysenrpisen, Dialektprisen og 4 Spellemannsprisar (vise/tekstforfattar).

Den sprudlande multiinstrumentalisten Erlend Aasland har ei bemerkelsesverdig evne til å meistra eit stort antal instrument og låtar på kort tid. Ingen veit kva slags nye instrument som vil dukka opp i haust. Sannsynlegvis ikkje han sjølv ein gong.

Velkomen til ein uforgløymeleg kveld i Kabuso! 

Foto: Jan Ansgar Omdahl

Billettar i sal frå fredag 26. mai kl 9

Gabriel Fliflet stiller med eit stjernelag av musikarar – kjende frå mellom anna Real Ones – i Kabuso mandag 16. november

Gabriel Fliflet (trekkspel, vokal)
David Chelsom Vogt (fele, vokal)
Kristoffer Chelsom Vogt (kontrabass, vokal)
Jørgen Sandvik (gitar, vokal)

Om Novgorod:
«Det er på tide at noen leverer musikken som dufter av solbelyste tømmervegger og syder av tjern og myrer. Det er på tide at noen gir oss musikken fra lave trebyer ved Østersjøen, fra hodeløse vodkafester med saltagurk, honning og smetana i etterkrigstidens nye lavblokker.
Noen må nå komme med den fyrrige musikken som rant ut fra cabaretlokalet, som fløt opp fra dansebanen ved elven, og valsene, verdens vakreste…
Novgorod vil hente fram denne musikken: Musikken som er russisk, finsk, jødisk, nordsvensk, sigøynsk. Moll-dominert og melankolsk. Vill og vital!»

På konsert med Novgorod kan du få høyra originale tolkingar av hardtsvingande finsk humppa, jiddisk tango og lengtnadsfulle valsar, nordsvensk swing (med kosakktrinn) og lærerike songar på tysk av Bertold Brecht/Kurt Weill. Med innleving og temperament og kraftfull firstemt song. På eit utal språk.

Novgorod vart danna i 2003 og har m.a. spelt på Festspillene i Bergen, Nattjazz, VossaJazz, Balkanfest, Litteratursymposiet i Odda, Hardingtonar, Columbi Egg og Riksscenen – og i Kabuso.

Gabriel Fliflet er vaksen opp til lyden av svensk, finsk og norsk song. Kåra til årets folkemusikar i 2011. Mange kjenner Fliflet frå samarbeidet med trommeslagar Ole Hamre i dueon Fliflet/Hamre. I denne samanhengen ausar han av kjennskapen sin til etnisk populærmusikk frå sitt finske fødeland, sigøynarmusikk m.m.

David Chelsom Vogt og Jørgen Sandvik har spela saman sidan dei var små. Best kjend er dei frå bandet Real Ones, som starta med irsk og britisk folkemusikk og etterkvart utvikla sin eigen fengande pop-stil med impulsar frå eit utal etniske tradisjonar. Kritikaryndlingar, bylarmprisen 2007, Spellemannsprisen 2013.
Prisløna Kristoffer Chelsom Vogt deltek med storebror David i nyskapande Kniv og Taffel Swingjazzorkester og med Gabriel Fliflet  i bl.a. verket Åresong. Både Kristoffer Vogt og Jørgen Sandvik var sentrale i Fliflet sitt bestillingsverk til Vossajazz 2013 – Valseria.

Frå pressa:

”En opplevelse man sent vil glemme… Disse guttene har spilleglede i høysetet.” (Fanaposten)

”Alle lar seg begeistre av denne humørfylte kvartetten” (Bergens Tidende)

«Macho er tilbake. Etter ein time med finske tømmerfløytarsongar og annan djuprøysta, melankolsk musikk vandra vi ut lett øsne. Ikkje visste vi at musikk frå våre austlege naboland kunne vere så macho! Mannenmannen har vore ute i minst tre tiår, men om Novgorod gjer det stort – som dei burde, er han på veg inn igjen.”
(Lesarinnlegg av journalist Katrine Sele i bladet Folkemusikk )