Familieverkstad

Under verkstaden får ein utfalda seg kreativt med ulike materialar og metodar. Denne gongen skal me laga eksperimentelt monotrykk saman med kunstnar Jamie Ashforth. Ho er no gjestekunstnar ved KH Messen og likar å eksperimentere med mange ulike materialar, mellom anna i trykk og måleri. Monotrykk er ei enkel form for trykking. Me skal legga på garn og papir, slik at det lagar avtrykk i biletet, og me kan arbeida vidare med motivet.

Verkstaden er utforma av ein profesjonell kunstnar som saman med vertar frå Kabuso leiar verkstaden. Kvar gong kjem ein ny kunstnar og nye oppgåver. Meir informasjon om verkstaden når datoen nærmar seg.

Inga påmelding. Medlemsskap i klubben kostar 90 kroner per barn og gir gratis inngang til alle arrangementa våren 2024. Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen. Filmane vert vist i samarbeid med Norsk filmklubbforbund.

>>> LAST NED – PROGRAM VÅREN 2024