Romantiker - duett for to dansarar

Romantiker er ein duett mellom dei to dansarane Benjamin Pohlig og Morten Liene – og ei framsyning som søkjer å spegla erfaringar frå naturverda;
Ein særskild innsjø om morgonen, skogen om kvelden, heiane, dyra og menneska dei møter på reisene sine.
Det er eit prosjekt som handlar om korleis det sanselege i naturopplevingane våre kan delast med eit publikum, og som søkjer å skapa ein samanheng der dei som er til stades kan kjenna på banda dei har til omgjevnadene dei kjenner og bryr seg om.