MARI KVIEN BRUNVOLL vokal, elektronikk
EVA PFITZENMAIER vokal, keys, fløyte
STEIN URHEIM gitar, effekter, langeleik
STEPHAN MEIDELL gitar, elektronikk
KIM ÅGE FURUHAUG trommer, perkusjon
ØYVIND HEGG-LUNDE trommer, perkusjon

Voice & Strings & Timpani var opprinneleg eit bestillingsverk til Nattjazz, som endeleg har vorte foreviga i studio.
Musikken befinner seg på ein dogmefri stad kor synthar, franske gloser og draumedryssande gitarar dansar taktfast i ring på samtidsmusikkfest.

I november 2020 kom albumet “Voice & Strings & Timpani” på det velrenommerte selskapet Hubro til særs gode kritkkar.

All musikk er komponert av Stephan Meidell og Øyvind Hegg-Lunde, begge kjende frå blant anna Erlend Apneseth Trio og Building Instrument.
Dei har i ei årrekkje jobba saman i duokonstellasjonen Strings & Timpani, og denne gongen utvidar dei formatet med nokre av sine favorittmusikantar frå den eigenarta improvisasjonsscenen i Bergen.

Sjekk ut VST på YouTube: 

Torsdag 11. februar klokka 19 inviterar Kabuso til konsert med tre av dei mest fargesterke folkemusikarane våre.

Trio Alde er:
Gabriel Fliflet – trekkspel, piano, song
Berit Opheim – song
Jorun Marie Kvernberg – feler, song m.m.

No dreg trioen på sleppeturné med si første plate:
Himlaleite – songar av Fløgstad og Fliflet. Her gjev dei oss songar med tekst av Kjartan Fløgstad og musikk av Gabriel Fliflet;
eventyrlege historier, naturlyrikk og voggesongar – eit breitt spenn frå stille nynning og blåtonar til driv og dansetakt.
Songar som går sine eigne stiar. Lengting, liv og song!

I tillegg til songane av Fløgstad og Fliflet, ausar Trio Alde òg av si store musikalske skattkiste, med både tradisjonsrike og nye tonar.
Ordet alde har forresten to tydingar: stor havbåre, dønning og hagefrukt. Ordet rommar altså både hav og hage – og peikar mot Vestlandet, der dei tre musikarane er heime.

Om musikarane:
Berit Opheim frå Voss er vokalist i særklasse. Ho er folkesongar og tradisjonsberar, men ho har òg briljert som Nattas dronning i Mozarts Tryllefløyta og trollbunde Carnegie Hall med tidlegmusikk i Trio Mediaeval. Berit har vunne eit berg med prisar og samarbeidd med ei rekke framståande musikarar innan både folkemusikk, jazz, barokk, samtids- og klassisk musikk.

Jorun Marie Kvernberg kjem frå Fræna i Romsdal, og er ein felespelar med glød — både på vanleg fele og på hardingfele. Spelar harpeleik (zither) og syng gjer ho òg!
Jorun Marie har vore ei drivkraft i folkemusikkgruppene Majorstuen, Tindra og Kviven duo. Ho er ein produktiv komponist i vise- og folkemusikkstil, og har vunne mange prisar. Busett i Volda.

Gabriel Fliflet er bergensar, og ein musikar og musikkmakar som boltrar seg i mange folkelege musikktradisjonar. Mange kjenner han som trekkspelar og noko ustyrleg vokalist i duoen Fliflet/Hamre. Gabriel har samarbeidd med Berit sidan slutten av 1980-talet, og med Jorun Marie sidan 2012.

Om forfattaren Fløgstad og komponisten Fliflet:
Kjartan Fløgstad er ein av dei store forfattarane i landet vårt. Han er glad i musikk, og har i heile sitt forfattarliv dikta songtekstar, som har dukka opp både i og utanfor romanane hans. Spennet er vidt, frå vare voggeviser til frodige historier, frå naturlyrikk til songar om kjærleik på skrinn grunn.

Musikar og musikkmakar Gabriel Fliflet har laga musikk til mange av Fløgstads songtekstar. Fliflets melodiar er melodiøse, men går gjerne litt uventa vegar. I fleire av dei kan du høyra at komponisten ikkje berre trivst på konsertscena, men òg er glad i å spela til dans: Vals og reinlendar, tango og ulike balkandansar!

Fliflet har komponert verk til m.a. Festspillene i Bergen og Vossajazz, og tidlegare tonesett forfattarar som Jon Fosse, Ragnar Hovland og Robert Burns.

>>> Sjå video på Facebook: Trio Alde øver på songen Fjetra 

Foto: Kato Ådland

Utstillinga «Og fjorden der nede blir ved å gå videre mot havet, og blandes mot alle verdens vann» vert vist i Kabuso våren 2021.

Utstillinga gjev ulike innfallsvinklar – i form av måleri, teikning, fotografi, video og installasjon – på spørsmålet:
Kva er Hardanger i dag og hva fortel eit landskap som dette oss om identitet, historie, vitskap og forholdet vårt til natur?

Deltakande kunstnarar:
Hege Nyborg
Carina Hedén
Ingrid Book
Thorbjørn Sørensen
Per Christian Brown
Helene Sommer

Foto: Per Christian Brown – Der Wurzelmensch 5

Lat deg sjarmera av unge talent frå Kvam kulturskule – laurdag 13. februar kl 13!

To gongar i løpet av våren 2021 byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

Billettar, i resepsjon: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Ung hardingfelespelar under Kakaokonsert

Bli med på ei triveleg teikneøkt fredag 19. februar kl 19-21.30!

Vertskap og instruktør:TBA
Uformelt lag og noko godt i glaset. Passar amatører like mykje som profesjonelle.

Bill kr 150,- inkl. teiknemateriell og valfri drikke frå kaféen/baren:
Vår eigen Storeteigenmost, mineralvatn, vin, øl, kaffi, te etc.

Handteikna, fransk spenningsfilm for born i konsertsalen.

Katten Dino lever eit dobbeltliv. Om dagen er han den søte kattepusen til Zoe, dottera til den kvinnelege politisjefen i Paris.
Om natta snik Dino seg ut for å vera med tjuven Nico, som elegant sleng seg frå tak til tak, på jakt etter eit verdifullt bytte.

Aldersgrense 6 år (tillaten for alle med følgje).

Inga påmelding.
Medlemsskap i klubben kostar 70 kroner per barn og gir gratis inngang til alle dei 5 arrangementa våren 2021.

Fint Fransk Orkester tek deg med på ei reise bort frå det heile – i Kabuso sundag 28. februar.

Orkesteret er det næraste du kjem Montmatre i Paris utan å forlata Noreg. Med stil, eleganse, humor og virtuos speleglede blir du tatt med på ei reise djupt inn i den franske chanson-tradisjonen der du møter ei særeigen verd av originale låtar og fargerike rollefigurar.

Med nypolert trombone, nystemt trekkspel og nydeleg song er musikken i hovudsak komponert av bandet sjølv, men med innslag frå franske forgjengarar som Serge Gainsbourg, Edith Piaf og Django Reinhardt. Cabaret, string-swing og hip hop. Chansons, hjerte og smerte.

Fint Fransk Orkester er:
JOHAN EGDETVEIT trekkspel
DOMINIQUE BRACKEVA vokal, trombone
EVA BJERGA HAUGEN vokal, tangentar
ANDREAS BARSNES ONARHEIM gitar, vokal
THEODOR BARSNES ONARHEIM kontrabass

Orkesteret slapp debutalbumet sitt 20. februar 2020 – sjekk det gjerne ut på Spotify!

Arr: Kabuso og Vestnorsk jazzsenter

> Sjå nettsida til Fint Fransk Orkester

CHRISTIAN CAUADRA altsaksofon
STURLA HAUGE NILSEN trompet
ELISABETH LID TRØEN tenorsaksofon
INGRID ØYGARD STEINKOPF piano, fløyte
MORTEN BERGER STAI kontrabass
RINO SIVATHAS trommer

Frå jazzlinja i Trondheim og med debutplata om hjørnet kjem Bounce Alarm – eit ensemble med store mengder melodisk pop-teft kamuflert bak jazzinstrumenteringa. Filosofien er enkel – bandet vil syna at improvisert instrumentalmusikk kan vera både underhaldande og dansbart – ikkje minst i møte med born og ungdom.

Bounce Alarm har allereie spelt på London Jazzfestival og All About Jazz var begeistra: «Many jazz genres could be namechecked as the group changed between whiplash bop breaks, detailed and restrained cool jazz, cooking hard bop and rock energy.»

Ein lettare sprø sekstett som fenger og underheld publikum i alle aldrar.

Sjekk ut Bounce Alarm på Facebook

Arr: Kabuso og Vestnorsk jazzsenter

Fredag 19. mars kl 20 kan du bli med på ei musikalsk reise: Ut av konsertsalen i Kabuso og avgarde med Bergensbanen i lag med Dag Helleve, Marius Klovning og Jakob Eri Myhre!

Medverkande:
Dag Helleve (tekst)
Marius Klovning (gitar)
Jakob Eri Myhre (trompet)

“Ein veg” er eit samarbeidsprosjekt mellom forfattar Dag Helleve og gitarist Marius Klovning som tar for seg ei reise med Bergensbanen i tekst og musikk.
Prosjektet tar for seg utvalde delar av historien til togstrekninga mellom Voss og Oslo, samt refleksjonar og naturskildringar på vegen.
Musikken er skriven av Klovning og vert framført saman med trompetist Jakob Eri Myhre.

Dette prosjektet er ein del av mastergradsutdanninga til Klovning ved Norges musikkhøgskule og vart framført
for første gong på Voss jazzklubb i september 2020. Etter konserten skreiv Avisa Hordaland blant anna dette:

“Teksten er lun og stemningsfull. Humoristisk og alvorleg på same tid. Saman finn forfattaren og musikarane tonen. Det er tid for refleksjon og ettertanke. Togkupeen
er verkeleg ein stad å drøyme seg vekk”

Klovning og Myhre spelar til vanleg saman i bandet Hullyboo som har eksistert sidan 2012 og som har gitt ut to plater.
Den nyaste, “Farkost”, vart gitt ut på vinyl og cd av Øra Fonogram i 2019 til strålande kritikkar.

No har du sjansen til å høyra pianist Kjetil Mulelid igjen – no med eigen solokonsert i Kabuso.
Hald av sundag 21. mars kl 18 for gode jazzopplevingar!

Sagt om Kjetil Mulelid: 
– «Hans briljante lek langs hele ferden er ren klasse. Sjelden har jeg latt meg bergta mer av tangenter enn hva tilfellet er her. Det er intet mindre enn imponerende bra og hypnotiserende alt han gjør.» – The Wilhelmsens

– “Pianisten, komponisten og bandlederen Kjetil Mulelid er en flott representant for den nye generasjonen jazzmusikere” – Tor Hammerø

– «So, lately, I’ve been addicted to the music of Kjetil André Mulelid» – Bird is the worm (US)

– «Here and elsewhere, the pianist amplifies the material with intelligence and taste.» – Textura Music (CA)

– “Kjetil Mulelid is not only a fascinating good pianist who draws on music that goes as far as psalm, folk, classical and pop as free jazz, he also knows how to translate these into strong compositions” – Dick Hovenga, Written in Music (NL)

– «Mulelid has carved out a distinctive niche for himself, neatly straddling the cusp between composition and improvisation and avoiding the clichés of both American and Scandinavian jazz.» – Ian Mann, The Jazz Man (UK)

– «Mulelid presses the piano keys, as if he could make the difference between longing and melancholy, with powerful and agile cascades, ostinate increases, pearly embellishments.» – Bad Alchemy (DE)

Bli med på ei triveleg teikneøkt fredag 9. april kl 19-21.30!

Vertskap og instruktør:TBA
Uformelt lag og noko godt i glaset. Passar amatører like mykje som profesjonelle.

Bill kr 150,- inkl. teiknemateriell og valfri drikke frå kaféen/baren:
Vår eigen Storeteigenmost, mineralvatn, vin, øl, kaffi, te etc.

Lat deg sjarmera av unge talent frå Kvam kulturskule – laurdag 17. april kl 13!

To gongar i løpet av våren 2021 byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

Billettar, i resepsjon: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Ung hardingfelespelar under Kakaokonsert

I perioden 8. mai til 6. juni – når Hardanger er på sitt vakraste – kan du gjerne legga turen til Øystese.
Her kan du oppleva meir av alt det gode regionen har å by på, i form av den årlege Vestlandsutstillingen i Kunsthuset Kabuso.
Vestlandsutstillingen syner verk av kunstnarar som er tilknytt Vestlandet. Utstillinga turnerer vestlandsfylka og skal visa fram samtidskunst av høg kvalitet.

Årets utstilling
Ei rekkje kunstnararar med tilknyting til Vestlandet presenterer ulike uttrykk:
Kristina Aas / Karina Presttun, Kristin Austreid, Æsa Bjørk, Helene Førde, Mona Orstad Hansen, Tina Jonsbu, Tom Kosmo, Gabriel Johann Kvendseth, Cato Løland, Irene Nordli, Tovelise Røkke-Olsen, John K. Raustein, Siri Ekker Svendsen, Kristin Tårnesvik, Brynhild Grødeland Winther

Kuratert av Heidi Bjørgan

>>> Sjå nettstaden til Vestlandsutstillingen

Del to av utstillinga med kunstnarane Leander Djønne, Cecilia Jonsson, Pierre Lionel Matte og Ingri Haraldsen.
Tekst: Tora Sanden Døskeland

I samarbeid med Nordisk Kunstnarsenter Dale

Helgekurs i aktteikning på Kabuso i Hardanger hausten 2021!

I dette kurset får du høve til å teikna etter aktmodell. Å teikna etter levande modell er ei fantastisk, lærerik og utfordrande oppleving, som har vore ein sentral del av kunstutdanninga gjennom tidene. Målet er å undersøka kroppens haldningar og rørsler. Kurset er lagt opp som ein kombinasjon av teori og korte og lengre teikneøkter. Du får vegleiing og korrektur tilpassa ditt nivå.

Målgruppe: Alle. Nybyrjarar og erfarne teiknarar.
Instruktør: Marijke Strømmen.

Pris: 2800,-/3825,-*
*inkludert overnatting i enkeltrom med frukost på Hardangerfjord hotel

Lunsj, drikke og snacks er inkludert i prisen begge dagar.
Ta med papir og teiknesaker. Kan tingast ved påmelding for 350,-

Påmelding: karen@kabuso.no innan 17. september

I oktober er Hardanger på noko av sitt vakraste. Bli med kunstnar Wim van den Toorn ut i naturen med teikneblyant og blokk!

På dette kurset skal ein jobba med teikning i friluft. Å arbeida med friluftsteikning har lang tradisjon i kunsthistoria som til dømes i impresjonismen og nasjonalromantikken. Eksperimentering, undring og sansing står sentralt i arbeidsmetodane me skal utforska. Kurset vil vera ein kombinasjon av kreativ praksis ute i naturen, dialog og forelesingar om temaa kunst og natur.

Målgruppe: Alle. Nybyrjarar og erfarne teiknarar.
Instruktør: Wim van den Toorn.

Pris: 3500,-/4525,-*
*inkludert overnatting i enkeltrom med frukost på Hardangerfjord hotel
Lunsj, drikke,snacks og middag laurdag er inkludert i prisen.

Ta med papir og teiknesaker. Kan tingast ved påmelding for 350,-

Påmelding og spørsmål: karen@kabuso.no
Påmeldingsfrist 1. oktober