Ingen resultater funnet

Årets siste utstilling i Kabuso har fått tittelen Handboren og veggfast og har teikning som tema.
Verk av Imi Maufe, Per Dybvig, Susanna Kajermo, Xueting Yang, Tord Torpe og Kristen Keegan.
Utstillingsperiode: 7. oktober-30. desember. Merk at 28. oktober vert ikkje filmane til Per Dybvig og Tord Torpe vist grunna arrangement i konsertsalen.

Om utstillinga:
I Handboren og veggfast ynskjer Kabuso å sjå nærare på analoge medium som kunstnarbøker, animasjonsfilmar, teikneseriar og veggteikningar. Me søkjer å vise nokre få av moglegheitene som ligg i materialet, i teikninga og kunstnarboka sitt store mangfald. Samstundes vil me strekkje opp eit spenn mellom det vesle (handborne) og det store (veggfaste) formatet. Tanken bak er mellom anna å inspirere deg til å gle deg over dei nærast uendelege moglegheitene som ligg i bok og vegg – med papir, kritt, tusj, litt maling, saks og gardintrapp – og prøve det ut i verkstadar utforma av kunstnarane i prosjektet.

Deltakande kunstnarar:

Per Dybvig bur og arbeider i Berlin og Stavanger. Dybvig utforskar teikning gjennom ulike format, teknikkar og uttrykk. Sentralt i kunstnarskapen hans står store landskap i blekk og nyhende-teikning på papir. Dybvig publiserer eigne biletbøker og han arbeider som illustratør med nokre av landets leiande forfattarar.  Praksisen har i seinare tid vakse til å omfatte skulptur og animasjon. I utstillinga viser me eit utval teikningar frå  tre av hans stop-motion-animasjonsfilmar parallelt med at filmane vert vist på stort lerret i konsertsalen. 

Susanna Kajermo bur og arbeider i Sverige. Ho har utdanninga si frå  Gerlesborgsskolan i Stockholm og Kunsthøgskolen i Bergen. Kajermo skapar detaljerte teikningar og kollasjar i forskjellige format. Motiva er både realistiske og med drag frå det mytiske, med slektskap til surrealismen sine forskyvingar av røynda. Ho har også laga illustrasjonar, som i boka Hauk av Sivert Nesbø og Kajermo (2019), og boka På ei trapp i universet: dikt av Marit Kaldhol (2022). I utstillinga viser ho teikning og ein kortstokk som også kan spelast med.  

Kristen Keegan er ein kanadisk kunstnar med mastergrad i kunst frå KMD, Bergen. Ho bur i Bergen og arbeider med maleri, installasjonar og publikasjonar. Keegan utforskar abstraksjonar av farge, til dømes gjennom å nytte flytande farge og voks på tekstil. Dei siste åra har ho hatt separatutstillingar ved Tekstilindustrimuseet (Salhus, 2022), LNM (Oslo, 2021), Konstepidemin (Gøteborg, 2021) og Hordaland kunstsenter (Bergen, 2019), og verka hennar blei vist på Årsutstillingen 22 på Drammen museum. Keegan er innkjøpt til samlingar i Canada, USA og Norge, inkludert Universitetet i Bergen (KMD bibliotek) og KODE museum. I utstillinga viser ho tekstile verk som leikar med dei optiske og taktile moglegheitene i bokformatet.

Imi Maufe arbeider med grafikk, bøker, tekst, installasjonar, interaksjonar og dokumenterer eigne reiser og kvardagsopplevingar. I 2013 var Maufe med på å etablere Codex Polaris for kunstnarar som arbeider med bøker i Norden. Maufe er representert i internasjonale og private samlingar, har ein mastergrad i multidisiplinær grafikk frå The University of the West of England, Bristol. Eit av verka hennar i utstillinga er bygd på ein serie observasjonar av ulike skilt og symbol funne under ei vekes opphald i Øystese.o teikning og ein kortstokk som også kan spelast med.  

Tord Torpe har mastergrad frå Kunst- og designhøgskolen i Bergen. Han har deltatt på fleire utstillingar, sist i Jakta på Makta, Stortinget (2023), Avistegnernes årskavalkade på Stortinget (2022), og på Tegnerforbundet i Oslo (2019), der han viste utdrag frå teikneserieboka Kjøt (Magikon 2018). Boka fekk gull i kategorien teikneserier ved prisutdelinga Årets Vakreste Bøker 2019. Torpe har også vist animasjonar på festivalar i Noreg, Skottland og Kina. Han er aktiv som illustratør i norske aviser, som BT og Morgenbladet. I utstillinga kombinerer han teikning rett på vegg med innramma teikningar. 

Xueting Yang er ein kinesisk teikneserieskapar og illustratør som no bur i Oslo. Ho debuterte med teikneserieboka Et annet sted i 2014, der ho skildrar det å flytte til Noreg. Yang hentar inspirasjon både frå klassisk kinesisk illustrasjon og frå ein vestleg tradisjon. Et annet sted fekk Kulturdepartementets teikneseriepris og sølv i Årets vakreste bøker. I utstillinga viser me utdrag frå teikneserien Kjøkken, hennar siste bok publisert i 2022. I Kjøkken vekslar sjangrane mellom sosialrealisme og burlesk magisk realisme, og boka vant gull i Årets vakreste bøker. 

Elevar ved visuelle kunstfag ved Kvam kulturskule viser arbeid frå hausten. I år har dei arbeidd spesielt med masker.

Utstillinga opnar laurdag 2. desember kl. 12 og står fram til sundag 17. desember.

Lat deg sjarmera av unge talent frå Kvam kulturskule på årets siste Kakaokonsert – laurdag 16. desember kl 13!

Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Film: Titina. 1 t 31 min. 6 år
Teiknestund etter filmen

Om filmen: Titina startar livet som gatehund i Roma, men vert sidan verdsberømt. Ho erobra Nordpolen med Roald Amundsen og fekk besøke keisaren i Japan.

Inga påmelding. Medlemsskap i klubben kostar 90 kroner per barn og gir gratis inngang til alle arrangementa hausten 2023.
Vaksne går gratis på filmane i følge med barn.

Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen.

Sjekk ut Speaker Park! Nokre få utvalde dagar i januar kan du oppleva ei stor lydutstilling med 24 ulike skulpturelle høgtalararni utstillingssalen vår.
Høgtalarane utgjer ein installasjon som spelar komposisjonar frå fleire komponistar.

Skulpturelle høgtalarar, design og konstruksjon: Jon Pigott (UK), Roar Sletteland (N) og Wrap.
Komposisjon: Mari Kvien Brunvoll (N), Antti Sakari Saario (FI), Owen Weaver (US) og Leo Preston (UK/N).
Konsept, regi og kuratorar: Leo Preston (UK/N) & Veronica Robles Thorseth (PE/N).
Lysdesign/video: Leo Preston (UK/N) 

Produsert av Wrap, Bergen

_____________________________

Praktisk info:

• • Ope for alle 13.-14. jan kl 11-16

Ope for klassar i forkant av dette – sjå invitasjon eller kontakt oss på post@kabuso.no / tlf 992 25 096 (Karen)

Skodespelar Anderz Eide les Jon Fosse i ein lydbok live, laurdag 27. jan kl 18. 
Opplev ein av landets beste forteljarar lese Morgon og kveld av nobelprisvinnar Jon Fosse, frå perm til perm.
Kom inn frå haustmørkret og bli med inn i Fosse sitt særeigne univers.

Anderz Eide vann nylig Storytel Awards for innlesinga si av Septologien.

Bill på TicketCo (link under): 300,- /240,- (KabusoVen)

Magnar Moen viser eit utval arbeid i foajeutstillinga Tonar i svart.
Opplev utstillinga i perioden 3. februar-21. april 2024.

Moen har teke utdanninga si ved Bergens kunsthåndverksskole i 1969.
Han har bak seg ei rekke separatutstillingar, av dei kan nemnast Haugesund kunstforening, Nord-Trøndelag fylkesgalleri, Christiansands Kunstforening, Galleri Kampen, Nordnorsk kunstnersentrum og Harstad kunstforening.
Verka hans er kjøpt inn av Bergen kunstmuseum, Bergen kommunale kraftselskap, Nord-Trøndelag fylkesgalleri, Levanger kommune, Norsk kulturråd, Bergen billedgalleri og Haugesund billedgalleri. Gjennom åra har han motteke fleire stipend og prisar i tillegg til å ha delteke i mange gruppeutstillingar, mellom anna BGO-1, Bergen kunstmuseum (2010-2011). 

>> Sjå kunstnaren si eiga nettside

Foto: Utsnitt av verket Utan tittel (2013), kolstift

Foajeutstillingar
… lett tilgjengelege (sjølv der hovudutstillinga er stengt)
… kan også opplevast frå kafebordet
… treng du ikkje billett for

Årets første utstilling i Kabuso opnar 3. februar og har fått tittelen Nattankar.
Kunstnarane Gunvor Nervold Antonsen og Marthe Karen Kampen presenterar eit utval arbeid i utstillingssalen.

Gunvor Nervold Antonsen (f. 1974) er utdanna ved Kunsthøgskolen i Bergen og bur og arbeider i Rollag i Numedal.
Arbeida hennar er vist ved Kunstnernes hus, Trondheim kunstmuseum, Kunstnerforbundet, Kunsthall Stavanger, Lillehammer kunstmuseum, Vigelandsmuseet og Bomuldsfabriken Kunsthall.
Ho er kjøpt inn til Nasjonalmuseet, KODE, Nordenfjeldske kunstindustrimuseum, Norges Bank og Utenriksdepartementet – og har mellom anna gjort offentlege oppdrag for KORO.
Nervold Antonsen har gitt ut bøker og publikasjonar i samarbeid med andre forfattarar, og ei eiga diktbok med tittelen Vi er margen i samband med utstillinga til Lorck Schive kunstpris på Trondheim kunstmuseum 2021.

Marthe Karen Kampen (f. 1986) er utdanna ved Kunsthøgskolen i Oslo og bur og arbeider i Eidskog kommune.
Kampen arbeider med maleri, tresnitt og tekstil i eit tilsynelatande enkelt, men kraftfullt uttrykk.
I verka søkjer ho etter ei oppleving av sårbarheit, humor og styrke – og titlane hennar kan vera bruer til fantasifulle tolkingar av verket.
Kampen arbeider gjerne med seriar der mange variantar spring ut av same utgangspunkt, med urettelege forsøk på å uttrykka noko oppriktig i ei kaotisk samtid.
Åleine og i samarbeid med Johannes Borchgrevink Hansen har ho utført fleire utsmykkingsoppdrag, seinast ved Veterinærinstituttet i Ås.
Hennar siste separatutstilling var ved Dropsfabrikken i Trondheim, hausten 2022.
Kampen har deltatt på fleire gruppeutstillingar, mellom anna ved Kunstbanken i Hamar, Nasjonalmuseet, Norske grafikere, Soft Galleri, Grenland kunsthall, Hubei Art Museum i Wuhan (Kina) og Høstutstillingen på Kunstnernes hus i Oslo.

> Gunvor N. Antonsen
> Marthe Kampen

Utstillinga kan opplevast tom. sundag 21. april

Velkomen til opning årets første utstilling i Kabuso; laurdag 3. februar kl 14!

I hovudsalen opnar utstillinga Nattankar med arbeid av Gunvor Nervold Antonsen og Marthe Karen Kampen.
I foajeen kan du oppleva verk av Magnar Moen.

>>> Konsert ved Thomas Eggum kl 15.30

Forfriskingar og open kafe

Velkomen! 

Utstillingane kan opplevast i perioden 3. februar-21. april

Thomas Eggum er låtskrivar, vokalist og gitarist og byr inn til konsert i Kabuso laurdag 3. februar kl 15.30. Konserten er sett opp i samband med utstillingsopninga for Nattankar, så få gjerne med deg det heile.

I Eggum sine soloprosjekt kan ein få ei opplevinga av at livet heng i ein tynn tråd. Ærlege, enkle og poetiske tekstar sunge overtydande utilslørt vis skildrar livet på ein enkel og jordnær måte. Med råskap og sårbarheit vekslar musikken hans mellom det ahrde og det fintfølande.
Thomas Eggum er også del av duoen Burning Motherfuckers saman med Øystein Monsen.

I konserten Some are born to sweet delight. Some are born to endless night spelar Eggum frå nokre av sine soloprosjekt, Songs made of Wool.

Konserten er gratis

Hald av torsdag 8. februar kl 19 for jazz med Aksel Røed trio!

AKSEL RØED saksofonar
MAGNE THORMODSÆTER bass
TORE LJØKELSØY trommer

Rykande ferske og tidenes yngste Vossajazz-pris-vinnar Aksel Røed tar med seg Magne Thormodsæter (bass) og Tore Ljøkelsøy (trommer) på turné til mellom anna Øystese.
Sjølv om dei tøyer strikken, så er det ikkje tvil om at inspirasjonen er henta frå den rike jazztradisjonen på 50- og 60-talet – med felles referansar i Ornette Coleman, Sonny Rollins, Sam Rivers og Coleman Hawkins.
Trioen komponerer på sparket – men har latt det gå sport i å sjå kor lenge strekka kan framstå som planlagde.
Undervegs går det både fort og sakte – mange balladar, nokre raske låtar, heile tida i tett og virtuost samspel.

Bare Egil Band, det legendariske einmannsbandet til Egil Hegerberg, inntar scenen i Kabuso 10. februar kl 20.
Når Bare Egil band kjem til Øystese er det del av ein ny soloturne som startar i Ogna og vert avslutta i Tomrefjord. Her er det altså landets aller største byar og tettstadar som vert besøkte.
Bortimot 12 stadar over heile landet står på turnelista.
Me vil få servert nokre av Bare Egil bands største hits, samt nye låtar frå dei komande platene Endelig, Den syngende rettsreferent og Norge på kryss og tvers volum 6.

Bare Egil band er kjend for si humoristiske og ironiske tilnærming for musikk, med tekstar som spenner frå det absurde til det politiske. Han har gitt ut eit titals studioalbum sidan debuten i 1996, og har hatt fleire hitar som Tagging, Bæsj i skjegget og Arne går mot døra.
Han har også vore medlem av band som Gartnerlosjen, Hurra Torpedo og Black Debbath og er kjend frå TV gjennom sine hyppige framføringar i program som Brille, Nytt på nytt og Kongen befaler.
Bare Egil Band lovar ei variert konsertoppleving. Dette er ei grov overdriving!
Det blir som vanleg akustisk gitarspel og ein songstil som spenner frå mumlesynging til skriking. Men underhaldande blir det!
Ganske!

Billettar i sal frå fredag 3. november kl 9

_______

FAQ

• Plassbillett? Nei, ikkje for dette arrangementet
• Open bar/kafe før/etter konsert: Ja
• Må eg stasa meg opp meg for konsert i Kabuso? Nei

Høyrt om gratistorsdag i Kabuso?
Kvar første torsdag i månaden kan du oppleva utstillingane på utan å tenkja på inngangsbillett.

Aktuelle utstillingar denne dagen: 
Nattankar – Gunvor Nervold Antonsen og Marthe Kampen
Magnar Moen – Tonar frå svart

Huset er ope kl 11-15
Kafe og gåvebutikk

Jazz opp sundagen din med Emmeluth´s Amoeba, 10. mars kl 18!

Lat deg sjarmera av unge talent frå Kvam kulturskule – laurdag 16. mars kl 13!

Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Sjølvaste Knut Reiersrud + konsertsalen i Kabuso = perfekt musikalsk match. Sjekk det ut laurdag 16. mars kl 19!

I over 40 år har Knut Reiersrud spelt sine gitarar på tallause scenar og begeistra publikum – bokstaveleg tala – verda over. Omgangen hans med strengeinstrument – både musikalsk og visuelt – er ei totaloppleving.
Kong Harald uttalte etter ein Reiersrud-konsert i Sør-Afrika at han aldri tidlegere hadde sett ein musikar fysisk forsvinna inn i instrumentet sitt slik som Reiersrud.
President Thabo Mbeki tilbaud gitaristen sørafrikansk pass – for å få eit ekstranummer – på samme konsert….

Reiersrud er ein av Norges beste instrumentalistar, ein virtuos på gitar, og ein magikar på scenen. Tre store påstandar, men som faktisk stemmer, alle tre. Han har gitt ut ei rekkje plater – både soloalbum og album med diverse konstellasjonar gjennom åra. Han har m.a. mottatt Spellemannprisen for 3 av desse og ein dansk Grammy-pris.
Han har spelt med storleikar som Dr. John, Buddy Guy, Ricky Lee Jones, David Lindley og gjort live-plater i land som Nepal og Iran. Få andre artister kan matcha det!

Knut Reiersrud spelar blues, folkemusikk, indisk, afrikansk, i tillegg til å vera ein fantastisk improvisatør. Med eit arsenal av ulike gitarar gjer han i solokonsertane sine ei reise i strengemusikkens geografi.
Med si enorme erfaring – 17 soloplater, medverknad på 300 plateutgjevingar og turnear på alle verdas kontinent – er han med sine 60 år nærast for ei levande legende å rekna. Med blues i ryggraden – etter læretid i Chicago og New York med folk som Dr. John og Buddy Guy – er Knut Reiersrud ALLTID innstilt på å levera varene 110 prosent.

Billettslepp torsdag 23. november kl 09

Høyrt om gratistorsdag i Kabuso?
Kvar første torsdag i månaden kan du oppleva utstillingane på utan å tenkja på inngangsbillett.

Aktuelle utstillingar denne dagen: 
Nattankar – Gunvor Nervold Antonsen og Marthe Kampen
Magnar Moen – Tonar frå svart
Ingebrigt Vik museum

Huset er ope kl 11-15
Kafe og gåvebutikk

Lat deg sjarmera av unge talent frå Kvam kulturskule – laurdag 20. april kl 13!

Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Velkomen til opning av Harding Puls si jubileumsutstilling i Kabuso; laurdag 4. mai kl 14!

Utstillinga er ei feiring av 30 aktive år for Hardanger sitt tverrfaglege kunstnarforum og ei rekkje kunstnarar vil vera representerte.

Forfriskingar og open kafe

Velkomen! 

Høyrt om gratistorsdag i Kabuso?
Då kan du oppleva utstillingane på utan å tenkja på inngangsbillett.

Aktuelle utstillingar denne dagen: 
Hardingpuls jubileumsutstilling
Ingebrigt Vik museum

Huset er ope kl 11-15
Kafe og gåvebutikk

Vel møtt til opning av Shwan Dler Qaradaki si utstilling laurdag 22. juni kl 14!
Qaradaki har kurdisk bakgrunn og arbeider hovudsakleg med teikning, film og installasjon.

I foajeen opnar ei pop-up-utstilling samarbeid med Kiosken studio.

Nokre av arrangementa i Kabuso kjem til gjennom utleige.
I slike tilfelle sel ikkje Kabuso billettar, då dette vert teke hand om av ein ekstern arrangør. I tilfelle der arrangøren sel billettar på nett finn du ein link i lista her:

• Sundag 26. nov: Julekonsert med Hardanger Big Band

_____

• Saknar du info i lista? Send gjerne link til info til post@kabuso.no
• Ynskjer du å arrangera noko på huset? Ta kontakt med utleigeansvarleg Stig: stig@kabuso.no / 917 22 857