I LYS LOGE

Endring: Diverre må den planlagte forfattarsamtalen med Kjartan Fløgstad utgå av grunnar utanfor Kabuso sin kontroll.
Har du kjøpt billett og vil endra plan? Ta kontakt med Kabuso på post@kabuso.no!
_____

Bestillingsverket I lys loge med Gabriel Fliflet & co kjem til Kabuso-scenen: Hald av torsdag 3. oktober, klokka 19 startar konserten.

Gabriel Fliflet – trekkspill, piano og sang 
Susanne Lundeng – fele og sang
Jørgen Sandvik – gitar og sang
Per Jørgensen – trompet og sang
Anders Bitustøyl – bass og sang

Til alle tider, i alle kulturar, har folk samla seg rundt bålet. Historiar har blitt fortalde, mat er blitt laga, songar sunge, løyndomar hviska, og kroppar har fått varme.
Framleis lokkar bålet oss! I songsyklusen I lys loge vil ild og flamme, gnist og lys, vera den glødande ledetråden for dei fem, syngande musikarane. Tekstene er både leikne og lyttande, og er nyskrivne av Kjartan Fløgstad, ein nestor blant norske forfattarar.
Musikken, laget av Gabriel Fliflet, er melodisk, men uforutsigbar, og vandrar i landskapet mellom jazz, folkemusikk og viser.
I lys loge er bestilt av Vossa Jazz og hadde urfremføring på festivalen i mars 2024.

Det er ikkje alle artistar forunnt å få heile sitt publikum til å gløyma både tid og stad. (…) Frå start til slutt heldt Gabriel Fliflet publikum i si hole hand (… ) ein kjenslesterk konsert som publikum løna med dundrande applaus då siste songen tona ut.
– Bjørn Sandnes, Hordaland om urpremieren av I lys Loge på Vossajazz 2024.

Huset opnar kl 18