Drink & Draw - Kunsthuset Kabuso

mai 2021

fre07mai19:00fre21:30Drink & Draw19:00 - 21:30

Om arr.

Bli med på ei triveleg teikneøkt fredag 7. mai kl 19-21.30!

Vertskap/instruktør: Kunstnar Wim van den Toorn
Uformelt lag og noko godt i glaset. Passar amatørar like mykje som profesjonelle.

Bill kr 200,- inkl. teiknemateriell og valfri drikke frå kaféen/baren:
Vår eigen Storeteigenmost, mineralvatn, vin, øl, kaffi, te etc.

Tid

(Fredag) 19:00 - 21:30

Stad

Kunsthuset Kabuso

Hardangerfjordvegen 626, 5610 Øystese

Om arr.

I perioden 8. mai til 6. juni – når Hardanger er på sitt vakraste – kan du gjerne legga turen til Øystese.
Her kan du oppleva meir av alt det gode regionen har å by på, i form av den årlege Vestlandsutstillingen i Kunsthuset Kabuso.
Vestlandsutstillingen syner verk av kunstnarar som er tilknytt Vestlandet. Utstillinga turnerer vestlandsfylka og skal visa fram samtidskunst av høg kvalitet.

Årets utstilling
Utstillinga viser 31 verk av 16 kunstnarar som på ulike vis er tilknytt Vestlandet. Alle verka er unike og rommar si eiga historie, men gjennom å bli plasserte i ei utstilling saman med andre verk blir meiningar forsterka eller endra. Dette spelar kurator Heidi Bjørgan (f.1970) medvite på i utforminga av utstillinga.

Bjørgan jobbar med å iscenesette kunstverka i høve til kvarandre for å skape ei underfundig stemning der venleik og uhygge går hand i hand, og ho trekkjer parallellar mellom filmregissøren David Keith Lynch (f.1946) sitt visuelle filmspråk og sine eigne prosjekt som kurator.

Publikum vil møte ei utstilling der både død og elende kan lure under perfekte overflater, samstundes som noko vakkert kan gøyme seg i det som ser forderva og øydelagt ut. Bjørgan inviterer kvar einskild utstillingsgjest til å vere ein aktiv medskapar i dei historier som Vestlandsutstillingen 2021 kan fortelje.

Deltakande kunstnararar:
Kristina Aas / Karina Presttun, Kristin Austreid, Æsa Bjørk, Helene Førde, Mona Orstad Hansen, Tina Jonsbu, Tom Kosmo, Gabriel Johann Kvendseth, Cato Løland, Irene Nordli, Tovelise Røkke-Olsen, John K. Raustein, Siri Ekker Svendsen, Kristin Tårnesvik, Brynhild Grødeland Winther

Om kurator:
Heidi Bjørgan (f.1970) har MA i keramisk kunst, samt Skapende kuratorpraksis frå Kunsthøgskolen i Bergen. Ho har bidrege til ei fornying av diskursen knytt til kunsthandverk i norsk samanheng, både gjennom sitt arbeid som kunstnar, og gjennom si verksemd som kurator. Ho var med på å starte galleri/prosjektrommet Temp i Skottegaten i Bergen (2000-2002). Bjørgan har blant anna vore kurator for utstillingar ved Rogaland Kunstsenter, Galleri F15, Hordaland kunstsenter og Galleri Format. For KODE har ho kuratert den internasjonale utstillinga Thing Tang Trash og Signert Inger Waage. Heidi Bjørgan var også medkurator for den store mønstringa av Norsk og kinesisk kunsthandverk Beyond g(l)aze som vart vist både på Suzhou Jinji Lake Art Museum i Kina og på KODE. Ho var også medkurator for utstillinga KREFTER – Dyrdal Kvasbø Tingleff på KODE (2019).

Historie
Vestlandsutstillingen er den eldste landsdelsutstillinga, og vart for fyrste gong vist på Bergen Kunstforening i 1922. Det har sidan byrjinga vore ei juryert gruppeutstilling med fri innsending.

I byrjinga bestod juryen av 5 kunstnarar som var valt av biletkunstnar-organisasjonane, men har sidan 1998 bestått av 1–3 inviterte kuratorar. Formålet med utstillinga er å arrangere ei årleg utstilling med verk av kunstnarar som har tilknytting til Vestlandet. Utstillinga skal vise fram samtidskunst av høg kvalitet som speglar den vestlandske kunstscena slik den føregår i lokale, nasjonale og internasjonale kontekstar ut mot resten av landet.

Vestlandsutstillingen er ei foreining som er eigd av sine medlemmer frå kunstnarorganisasjonane Bildende Kunstneres Forening Hordaland, Bildende Kunstneres Forening Møre og Romsdal, Bildende Kunstneres Forening Sogn og Fjordane, og Bildende Kunstneres Forening Rogaland, samt Kunsthuset Kabuso, Stiftelsen Kulturkvartalet, Kunsthall Stavanger, Haugesund Kunstforening, Kunstgarasjen og Sunnfjord Kunstlag.

Turneen vert støtta av fylkeskommunane Møre og Romsdal, Rogaland og Vestland

>>> Sjå nettstaden til Vestlandsutstillingen

Tid

Mai 8 (Laurdag) 00:00 - Juni 6 (Sundag) 00:00

Stad

Kunsthuset Kabuso

Hardangerfjordvegen 626, 5610 Øystese

fre14mai20:00Rumi Songsav Trygve Seim20:00

Om arr.

Endeleg kjem vidgjetne Rumi Songs til Kvam og Kabuso – gå ikkje glipp av dette fredag 14. mai kl 20!

Rumi Songs baserar seg på ei komposisjonsbestilling finansiert av Norsk kulturråd. Tora Augestad bestilte ein songsyklus av Trygve Seim, der musikken blei komponert på den amerikanske poeten Coleman Barks sine gjendiktningar av den persiske sufimystikaren og diktaren Jelaluddin Rumi.

Ensemblet (Trygve Seim Nordic Orient) består av saksofonist og komponist Trygve Seim, vokalist Tora Augestad, accordionist Frode Haltli og cellist Svante Henrysson, poet Erling Kittelsen og lydprodusent Asle Karstad.
Erling Kittelsen har gjendikta ei rekkje sufipoetar, deriblant Rumi.

Kittelsen fortel om Rumi og sufismen og reisterer eigne Rumi-gjendiktninger mellom musikkstykka og byr også på resitasjon av spesialkomponert instrumentalmusikk.

» – Jelaluddin Rumi er persarane sin store nasjonalpoet, fødd i 1207 i Balkh, som no er ein del Afghanistan, og han vaks opp i Tadsjikistan før han flytta til den anatolske byen Konya, der han var religiøs lærar og diktar. Toleranse og openheit er sentrale emne i det han har skrive. Den første songen eg skreiv gjekk så utruleg lett å skrive, mest som han skreiv seg sjølv. han vart også veldig vakker, tykte eg. Etter det fekk eg lyst til både å dykke djupare ned i poesien til Rumi, og ikkje minst også til å lage ei bok med songar basert på Rumi’s dikting, til å fylle ein heil konsert.»
(Seim)

Trygve Seim er utdanna jazzmusikar på jazzkonservatoriet i Trondheim og har sidan 1992 jobba heiltid som musikar, komponist og arrangør. Utgitt 9 album på den prestisjetunge tyske plateselskapet ECM, 7 av dei som bandleiar og komponist og/eller co-leiar og spelar på rekordmange ECM-utgivelser; 22 stk totalt. Saksofonisten har sett sitt preg på nyare norsk jazzhistorie via grupper som Airamero, Oslo 1300, The Source og Trygve Seim Ensemble. Seim har også studert egyptisk musikk og jobba i band leia av Manu Katché, Iro Haarla, Jacob Young og Sinikka Langeland.

Allsidigheita til mezzosopran Tora Augestad inspirerar komponistar, regissørar, dirigentar og andre musikarar. Vokalt lar ho seg vanskeleg setja i bås – som utøvar er ho fleksibel, uttrykksfull, presis, scenisk overbevisande og har ein uvanleg personlegdom. Augestad viar seg til repertoar frå det 20. og 21. århundre og meistrar eit stort spenn av uttrykk.

Svante Henryson var Umeås unge rockbassist som bytta til jazz. Det openberre talentet og ei robust utdanning førte Henryson til ein posisjon som solobassist i Oslo Filharmoniske Orkester. Men Svante Henryson ville vidare. Med elbass i bagasjen drog han til USA og slutta seg til gitarlegenda Yngwie Malmsteen sitt hardrockband, som han dessutan utvida med ein cello. Som ein av Nordens leiande bassistar i talrike konstellasjonar over sjanger- og landegrenser har Svante Henryson med tida profilert seg som ein karismatisk solocellist og kammermusikar i breid forstand – og er svært etterspurt av toppmusikere som Martin Fröst og Anne Sofie von Otter. Denne mangesidige multimusikaren har dei siste åra hatt stor suksess som komponist og står blant anna bak eit prisbelønt verk for solofiolin og oratoriet ‘Vidderna inom mig’ til tekstar av Nils-Aslak Valkeapää.

Frode Haltli har sidan 2011 undervist i akkordeon ved Norges musikkhøgskole. Haltli er utdannet ved Norges musikkhøgskole og solistklassen ved Det Kgl danske musikkonservatorium. Han har vunne NM i trekkspel sju gongar, vant NRKs Talentiaden i 1991 og mottok Hedmark fylkes kulturpris i 1991, samt sølv i den internasjonale Gaudeamus-konkurransen i 1999. Under Festspillene i Bergen 2000 blei han kåret til Rikskonsertane sin «Årets unge artist» 2001. Mottok samme år «Musikkens venners Debutantpris».

Omtalar:
>>> Tor Hammerø – Uendelig vakre sanger
>>> Salt Peanuts

Tid

(Fredag) 20:00

Stad

Kunsthuset Kabuso

Hardangerfjordvegen 626, 5610 Øystese

Billettar på nett

>>> Kjøp

Arr. på Facebook

>>> Sjekk ut

tors20mai19:00Merk dato: Nils Petter Molvær soloTrompetvirtuos solo19:00

Om arr.

Av årsakar utanfor vår kontroll har det vore uklarheitar kring datoen for konserten med Nils Petter Molvær:
Gjeldande dato er no som opphavleg annonsert; torsdag 20. mai kl 19.

Om billettar:
Alle kjøpte billettar gjeld for konserten torsdag 20. mai
Har du ikkje høve til å stilla? Ta kontakt på post@kabuso.no for refusjon

Kabuso beklagar så mykje for ulemper dette kan ha medført.

Oppdatert onsdag 12. mai kl 12.00

_________________

Trompetvirtuos og musikkpionér Nils Petter Molvær i særs intim og eksklusiv solokonsert – i Kabuso torsdag 20. mai kl 19!

Nils Petter Molvær – trompet/elektronikk
Sven Persson – lyd

Sidan den enorme internasjonale suksessen med albumet Khmer i 1997 har Nils Petter Molvær fortsett å dyrka fram sitt eige uttrykk, i møte med jazz, ambient, house og elektronika, såvel som hiphop, rock og pop. Innsatsen hans omfattar arbeid med symfoniorkester, med komponisten Rolf Wallin, med den tyske dj-en/elektronika-artisten Moritz von Oswald, og seinast albumet med dubstep-legendene Sly & Robbie i 2018.

Sidan starten med Masqualero 1982 har trompetisten, komponisten og produsenten Molvær endra andletet til improvisert musikk i Europa. Så langt har det blitt ni album under eige namn, i tillegg til lydspor for film og tv, dokumentarar og skodespel. Molværs forrige soloalbum Buoyancy fekk eventyrleg mottaking, blant anna med Spellemannpris for beste jazzplate, og full pott i Aftenposten: «Det låter som om en gjenglemt The Beatles-stubb har blitt brakt inn i en storslått elektronisk verden og gitt nytt liv på Nils Petter Molværs premisser.»