Ny avdelingsleiar
Marie Skeie er tilsett som ny avdelingsleiar for Kunsthuset Kabuso frå 1. januar 2027.
Skeie er kunstnar, kurator og prosjektleiar og har omfattande erfaring frå det visuelle kunstfeltet, nasjonalt og internasjonalt. Skeie kjenner kunsthuset godt og har eit breitt nettverk som ho vil ta med seg i den vidare utviklinga av Kabuso. Ho er busett i Kvam og har som kunstnar stilt ut i Kabuso.
– Det var god interesse for stillinga og me hadde mange sterke søkarar. Det tek me som eit teikn på at Kunsthuset Kabuso har opparbeidd ein solid posisjon, seier Åsmund Kristiansen direktør ved Hardanger og Voss museum.
– Kabuso har ei sterk forankring i regionen og ei viktig rolle som kunst- og kulturarena. Eg ser fram til å byggje vidare på dette fundamentet gjennom gode samarbeid, relevant formidling og eit program som knyter lokale, nasjonale og internasjonale perspektiv saman.
Det som særleg motiverer meg, er moglegheita til å arbeide med samarbeid, formidling, programutvikling og langsiktig utvikling i ein lokalt forankra institusjon.
Eg er oppteken av korleis kunst og kultur kan skape møteplassar og engasjement, uttalar Marie Skeie.
Det som særleg motiverer meg, er moglegheita til å arbeide med samarbeid, formidling, programutvikling og langsiktig utvikling i ein lokalt forankra institusjon.
Eg er oppteken av korleis kunst og kultur kan skape møteplassar og engasjement, uttalar Marie Skeie.
Den nye leiaren vil, som noverande leiar, òg vera leiar for Ingebrigt Vik museum og Kvam bygdemuseum.
Sissel Lillebostad har vore leiar for Kabuso sidan 2017, og vert pensjonist frå 1. februar 2027.
Foto: Nayara Leite
