Familieverkstad

Familieverkstad: Under verkstaden får ein utfalda seg kreativt med ulike materialar og metodar. Verkstaden er utforma av ein profesjonell kunstnar som saman med vertar frå Kabuso leiar verkstaden. Kvar gong kjem ein ny kunstnar og nye oppgåver.

Denne gongen får me besøk av illustratør og forfattar Marianna Bruno frå Italia. Ho er for tida gjestekunstnar i KH Messen i Ålvik og ekspert på å teikne fjell. I verkstaden skal me ta utgangspunkt i fjell. Marianna har teikne ulike fjell som borna skal få ta utgangspunkt i for å sjå kva dei kan finne i fjella. Me skal både måle og teikne. Heime i Italia har Marianna nyleg gitt ut bok om heilage fjell verda over. Ho er både forfattar og illustratør av boka.

Sjekk nettstaden til Marianna Bruno her https://www.marianna-bruno.com/

Inga påmelding. Medlemsskap i klubben kostar 90 kroner per barn og gir gratis inngang til alle arrangementa våren 2024. Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen. Filmane vert vist i samarbeid med Norsk filmklubbforbund.

>>> LAST NED – PROGRAM VÅREN 2024