Open visning

Vel møtt til ei gratis og open visning i Hardanger Skyspace laurdag 8. februar. Me fyrer opp i bålpanna, serverer varm eplegløgg og svarar på dine spørsmål frå kl. 17. Visninga denne dagen er mellom 17.19 og 18.07. Kom innom og opplev delar eller heile visninga*. Hugs å kle deg etter vêret.

Det permanente kunstverket Hardanger Skyspace er signert den amerikanske kunstnaren James Turrell .
I form av ein åttekanta bygning med opning i taket og sitjeplassar til 18 personar, gir kunstverket ei unik oppleving av farge, himmel, rom og lys. Ved demring og skumring vert rommet fylt med farga lys som verkar inn på opplevinga av himmelflata. Lat deg bli forbløffa over kva du ser! Vêrtilhøve og årstid verkar inn på opplevinga, slik at kvart besøk vert unikt.

*Om det vert mykje folk som møter opp, slepp me folk inn i Skyspace i puljer.