Familieverkstad

Velkommen til drop in familieverkstad i Bornas Kabuso! Under verkstaden får ein utfalda seg kreativt med ulike materialar og metodar.

Verkstaden er utforma av ein profesjonell kunstnar som saman med vertar frå Kabuso leiar verkstaden. Denne gongen skal me laga tekstiltrykk på kjøkenhandkle saman med kunstnar Judith de Haan. Ho har funne fram spanande, kvardagslege formar og gjenstandar me kan trykke med. Judith bur i Kvam og jobbar for det meste med grafikk.

Til kvar familieverkstad kjem ein ny kunstnar og nye oppgåver. I samarbeid med Kunstnarhuset Messen i Ålvik.

Inga påmelding. Medlemsskap i klubben kostar 110 kroner per barn og gir gratis inngang til alle arrangementa hausten 2025.

Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen. Filmane vert vist i samarbeid med Norsk filmklubbforbund.