Åse Ljones

Hausten 2014 stiller Åse Ljones ut kunstverk av tekstil i Kabuso. Ljones er fødd og oppvaksen i Strandebarn og tek no kunsten sin heim til Hardanger, tilbake til landskapet og menneska som har inspirert ho.
Bileta er gjerne abstrakte eller satt saman av ulike fragment. Ho broderer tekstilar som er berarar av forteljingar og historier. Menneske ho har møtt og hendingar ho har vore med om tek plass i teppa. Samstundes er ho medviten om materiala ho jobbar med som ein del av det visuelle uttrykket, strukturen i broderia. Ho er oppteken av kontrastane mellom lys og mørke og kva for verknader dette skapar . Respekten for den gamle handverkstradisjonen er stor. Ljones nyttar likevel dette på ein nyskapande måte.

Til utstillinga i Kabuso tek ho med seg fleire nye verk.