Kafé
Ta deg ein kunstpause i vår kafé med utsikt til Hardangerfjorden!
Kabusokaféen serverer enkle lunsjrettar, kaffimat og heimebaka kaker, samt ulike kaffidrikkar, øl og vin. Nyt gjerne ei kald øl eller eit glas lokalprodusert eplemost ute på terrassen i sommarvarmen – eller sit inne i varmen med ein varm kakao med krem og utsikt til ein snøkledd skulpturpark.
Her finn du og lesestoff, kunstmagasin og -bøker, aviser og biletbøker for dei yngste. Og sjølvsagt gratis og open wifi.
Kaféen følgjer Kabuso sine ordinære opningstider – og held også ope i samband med arrangement. Du treng ikkje inngangs- eller arrangementsbillett for å nyta ei stund her.
